– Со оваа обука, здравствените услуги ги доближуваме поблиску до граѓаните, преку добивање здравствена заштита и услуга во домот. Патронажните сестри се клучни, затоа што тие работат во заедницата, со семејствата, со поединецот, изјавил министерот Филипче, на отварањето на настанот.
Врвен приоритет на Владата и на Министерството за здравство е остварување на целите за одржлив развој на Обединетите Нации, како и значењето на декларацијата од Астана, со посебен фокус на примарната здравствена заштита, потенцираат од ресорното Министерство.
Обуките за унапредување на здравствените услуги преку јакнење на капацитетите на патронажни сестри, се посочува во соопштението, ќе се спроведуваат во сите јавно здравствени установи низ државата. Во подготовка се стандардните оперативни постапки во патронажа, како и општите и специфични интервенции и подготовка на правилникот за патронажа.
Кочани е првата општина во која почна да се реализира мобилен сервис за грижа во домашни услови, во септември 2018 година. Интегрираните услуги за нега на Министерството за здравство, стои во соопштението, добија позитивна оценка од Светската здравствена организација и опишани се дека го поттикнуваат унапредувањето на здравјето