Државниот јавен обвинител Љубомир Јовески соопшти дека ОЈО за гонење на организиран криминал и корупција до Кривичниот суд Скопје поднел обвинителен акт против 30 лица, од кои 28 се обвинети за терористичко загрозување на уставниот поредок и безбедноста на РМ, а две лица за помагање при извршување на истото кривично дело.
Јовески рече дека обвинетите го загрозиле уставниот поредок и безбендост на РМ со акт на насилство и создале страв кај граѓаните. Јовески рече дека е уверен оти во текот на судската постапка ќе се докаже дека сите обвинети извршиле поврзании усосгласени дејства.
Портпаролката на Јавното обвинителство Елизабета Недановска, образложувајќи го обвинителниот акт, рече дека во овој случај имало вкупно 35 обвинети. За 4 лица за кои ОЈО водело постапка, таа е прекината биејќи во моментов не се достапни на органите на прогонот, а постапката ќе продолжи по нивно пронаоѓање.
За едно лице, пратеничката Жаклина Пешевска, постапката е запрена, бидејќи не се обезбедени докази.
Како што рече Недановска, Обвинителството утврдило дека со намера да го загрозат уставниот поредок и да оневозможат да изберат претседавач и претседател на Собранието, предизбикале акт на насилство и го загрозиле животот на пратеници, новинари, службени лица, вработени во Собранието и предизвикале и страв кај граѓаните.
Надлежниот обвинител обезбедил докази дека извршувале повеќе усогласени дејства за насилство, влегување и вршење насилство во Собранието, од различни позиции и во содејство и координација да се оневозможи понатамошно функционирање на парламентарното мнозинство и на Собранието на РМ.
Со обвинителниот акт се опфатени и три лица припадници на структурите во МВР кои како овластени лица биле носители на златна и сребрена команда. Како што објасни обвинителката, тие иако биле известувани дека животот на пратениците и на новинарите, на служебните лица и на вработените во Собранието им е загрозен животот, не издале наредби за ангажирање на специјалните п посебните сили за заштита и не издале наредба за евакуација на Собранието, со што овозможиле да се вршат акти на насиство и непречено да се влезе во законодавниот дом и да се изврши насилниот акт.
Како што е наведено во обвинението, едно лице преку телефонски повик во 14.30 часот било известено да ја почне акцијата и заедно со други лица го организирале членствот на неколку организации, однапред знаејќи дека објектот на Собранието не е обезбеден изаштитетн од полициските сили. Овие 10 обвинети организирале поголема група луѓе и им донеле маски фантомки. Во 18.58 часот се упатиле кон Собранието, каде веќе имало толпа народ кој протестирал, рече Недановска.
Во обвинението се опфатени и друг лица кои биле од здружението „За заедничка Македонија“. Овие 4 лица ги повикале и ги повеле граѓаните и со потпалувачки говори ги поттикнале граѓаните на насилство. Тие, со лицата со фантомки ја скокнале оградата и се упатиле кон Собранието и се обиделе со удрирање и со кршење да влезат во Собранието. Но првично не успеале во ова намера.
Недановска, објаснувајќи го обвинението рече дека, истовремено во објектот на ззаконодавниот дом била другата група на обвинети. Еден од обвинетите пратеници телефонски разговарал со едно од обвинетите лица кои биле пред вратата со што се утврдува координација. По ова сега обвинетите петмина пратенеци, со тројца други обвинети и службени лица од обезбедувањето на Собранието отвориле две врати и со тоа овозможиле да влезат внатре лицата со фантомки и на други лица. Обвинетите од обезбедување на Собранието ги насочувале лицата со фантомки да се движат кон собраниската сала „Македонија“ и кон прес салата.
Овие лица, како што рече Недановска, биле насочувани од уште две обвинети лица од обезбедувањето на Собранието и уште едно лице од Агенцијата за разузнавање.
Овие обвинети со други обвинети лица влегле во прес салата и почнале со фрлање на предмети кон пратениците и новиарите и физички ги нападнале и им нанеле лесни и тешки повреди на поголем број од присутните.
Во прес центарот додека траел нападот, едно од обвинетите лица ги насочувал кон пратеникот Зоран Заев, при што еден од обвинетите посегнал кон пиштол, но не испукал бидејќи пратеникот бил заштитен од друго лице.
Како што рече Недановска, притоа, обвинетите ги користеле сите предмети до кои дошле, за да им нанесат повреди на оштетените пратеници и новинари. исто така поставиле и две импровизирани експлозивни направи во законодавниот дом.
Двајца од обвинетите припадници на МВР кои се обвинети за помагање во извршување на ова дело одзеле два хард дискови за да ги прикријат трагите од насилниот упад во Собранието, се вели во обвинитилниот акт.
Исто така, истрагата утврдила дека во организирањето на настаните од 27 април во Собранието биле вклучени одреден број засега непознати лица за кои истражните дејства продолжуваат во ОЈО.
Недановска рече дека Обвинителството со подесување на обвинителниот акт поднеле и барање за продолжување на мерките притвор и домашен притвор.