Денешното рочиште за случајот „ТНТ“ не се одржа поради неприсуство на обвинетата Марика Зафировска, која на 1 мај била нападната во викендичката во Катланово и е задржана на болничко лекување.
Во судницата беа присутни обвинетите Миле Јанакиески, Никола Груевски и Тони Трајковски.
Во овој случај обвинети се седум лица, меѓу кои поранешниот премиер Никола Груевски, екс министерот за транспорт и врски, Миле Јанакиески и екс градоначалникот на општина Гази Баба, Тони Трајковски.
Според обвинението, тие во 2011 година за политичка одмазда го урнале објектот на нивниот политички противник, Цаноски, кој е во коалиција со сега веќе владејачкото мнозинство. Според СЈО, со уривањето е предизвикана штета од 16 милиони евра, а буџетот на општина Гази Баба е оштетен за дополнителни три милиони денари.
На претходните рочишта адвокатите на обвинетите побараа изземање на судиите за да се провери дали ги има во прислушуваните разговори.
Врховниот суд го одби барањето на одбраната за изземање на в.д. претседателот на Апелациски суд – Скопје Лидија Димчевска и нејзиниот заменик, а потоа и Апелациониот суд го отфрли барањето за изземање на претседателот на Основниот суд Скопје 1 Иван Џолев и неговиот заменик.
По добиена надлежност за постапување, претседателот на Основниот суд Скопје 1, постапувајќи по барање на одбраната за изземање на судечкиот совет кој постапува во предметот „ТНТ“ на 23 април донел со кое изземањето се одбива како неосновано.
Ново рочиште за „ТНТ“ е закажано за 11 јуни.