Основното јавно обвинителство – Скопје ја известува јавноста дека од досегашниот тек на предистражната постапка во предметот за починатото лице Коста Крпач е утврдено дека станува збор за самоубиство.
И покрај тајноста на предистражната постапка, Основното јавно обвинителство – Скопје за утврденото ја известува јавноста, со цел отстранување на шпекулациите, велат оттаму.
Постапката по предметот во Обвинителството и натаму тече за утврдување на причините и околностите под кои настапила смртта на Крпач.
Како што претходно соопшти МВР, Коста Крпач бил пронајден починат во неговата спална соба, на станот кој се наоѓа во скопски Капиштец на улицата „Народен Фронт“, со прострелна рана во градниот кош.
Пред да настане смртта, тој испукал три куршуми во возило паркирано пред неговата зграда, кое било во сопственост на фирма за пиротехника „Огнометика“. Комбето било празно, а според МВР од се уште неразјаснети причини Крпач рафално ги испукал куршумите кон возилото.
Од Специјалното обвинителство посочија дека тој бил сведок во еден до нивните предмети.
https://novatv.mk/misterioznata-smrt-na-kosta-krpach/