Извештајот на ЕК препорача старт на преговори по петти пат. Воедно ЕК побара од Европсккиот совет во декември дозвола да отпочне „скриниг процес“ со Македонија како подготовка за преговорите нагласувајќи дека проблемот со името треба да се реши во раната фаза на овој процес.
Извештајот започнува со анализа на политичките критериуми. ЕК на самиот почеток во ова поглавје обрнува внимание на процесот на лустрација и препораките на Венецијанската комисија која го критикува временскиот опфат на овој процес, односно негова примена за периодот по демократизацијата на Македонија во почетокот на деведестите години како и наодите дека лустрацијата се злоупотребува за партиски цели.
Во однос на изборниот процес ЕК ги нотира забелешките на ОБСЕ и ОДХР за тоа дека постојат сомневања за заплашување на гласачите како и за злоупотреба на државните ресурси за партиски цели.
Анализирајќи ја работата на Собранието ЕК укажува дека насилното отстранување, како што се вели во извештајот на пратениците и новинарите, довело до висок степен на поларизација и загрозување на политичкиот дијалог.
Во однос на работата на владата и администрацијата ЕК бара појасна дистинкција меѓу партијата и државните структури како и поголема независност на администрацијата.
Што се однесува до судството се вели дека неговата независнот е спорна. Постојат соменавања за селективно спроведување на правдата како и индиректни политички притисоци.
Во однос на корупцијата таа се оценува како сериозен проблем за општеството. ЕК смета дека постојат проблеми со корупцијата во сферата на јавните набавки.
Во однос на состојбата со слободата на медиумите ЕК вели дека репутацијата на државата на меѓународен и внатрешен план продолжува да се влошува. Извештајот изразува загриженост за владините реклами кои се сметаат за директна поддршка на провладините медиуми со што на истите им се дава голема финасиска предност.
Извештајот исто така изразува загриженот за нетолерантноста кон ЛГБТ заедницата и како илустрација се наведуваат нападите на ЛГБТ центарот во Скопје.