Хеликоптерската несреќа во која животот го загубија четири лица се случила во 22:10 часот во Струмица кај кванташкиот пазар. Нашиот репортер Томе Христов, јавува дека полицијата повеќе не дозволува пристап на новинарите до местото на несреќата. Повеќе информации се очекуваат за утре.
Според очевидците неофицијално, хеликоптерот вртел во воздух повеќе од пет минути, немал светла и како што велат најверојатно, не можел да слети па удрил во предавател.
Неофицијално, извори за НОВА велат дека телото на еден од загинатите е пронајдено во главата на хеликоптерот. Трите други изгорени тела на екипажот се пронајдени на ливадата во близина на хеликоптерот.
.jpg)
Медицинските екипи, пожарникарските возила и екипи на полицијата се уште се на терен и вршат увид на лице место. Од падот на хеликоптерот нема повредени граѓани. Засега нема информации од струмичката болница. Екипата на НОВА ќе остане на место на настанот со цел да добиеме официјални информации.