Инвеститори од Велика Британија и САД од 11 јули ќе ја посетат Македонија, откако Владата им даде мандат на банките да организираат серија средби за најавеното задолжување со еврообврзницата, јави Ројтерс.
Телма денеска објави дека во Службен весник веќе е објавена одлуката на Владата од седницата одржана на 21 јуни со која се утврдува дека максималниот износ на новото задолжување со еврообврзница која ке се емитува во 2016 година е 650 милиони евра.
Парите ке се користат за покривање на буџетскиот дефицит за оваа и следната година и за рефинансирање на старите долгови.Еврообврзницата ке се отплака 10 години и ке биде издадена преку претставништвото на Дојче банк во Лондон
Во одлуката уште се наведува дека еврообврзницата ќе котира и со неа ќе се тргува на Ирската берза за хартии од вредност.
Информацијата за задолжувањето со еврообврзница не го објави ниту една државна или финансиска институција, туку лидерот на ВМРО –ДПМНЕ Никола Груевски во изјава минатиот месец.
– Не сум информиран во детали, но од она што го помнам од минатата година, кога СДСМ стави некаков вид на блокада на издавањето на еврообврзницата, тие, таа деблокада ја условија со тоа што обврзницата да биде издадена само за шест месеци, наместо за една година како што претходно беше планирано и како што е вообичаена пракса во секоја држава. Така што претпоставувам дека ќе има потреба од такво нешто и дека Министерството за финансии и Владата ќе пристапат кон тоа бидејќи тоа е нормален начин за финансирање на дефицитот во една држава, изјави Груевски.
Потоа, и министерот за финансии Кирил Миновски потврди дека ќе се изададе еврообврзница, но не ја прецизираше сумата. Тој рече амо дека Владата му дала мандат на Министерството за финансии да го истражи пазарот за издавање еврообврзница.
-Во следниот период тим од Министерството за финансии ќе го истражи пазарот и доколку се создадат поволни услови, би се издала еврообврзница.Во таа насока, внимателно ги следиме случувањата на светските пазари на хартии од вредност, во контекст на референдумското одлучување на граѓаните на Велика Британија за излез од Европската Унија. Исходот од референдумот ќе има директно влијание врз движењата на меѓународниот пазар на капитал, изјави Миноски.