Во наредните два дена Македонијаќе ја зафатат горештини кои ќе ја дефинираат жолтата фаза, поради што се предупредуваат граѓаните да внимаваат на своето здравје.
Од Управата за хидрометеоролошки работи алармираат дека од утре до четврток поголем дел од територијата на државата ќе биде зафатен со високи температури, освен пелагонискиот и охридско-преспанскиот регион каде температурите ќе бидат пониски.
Од министерството за здравство ги предупредуваат граѓаните да ги почитуваат препораките за заштита од директна сончева изложеност.
Се препорачува да се избегнува подолг престој на отворено во периодот од 11 до 16 часот,носење лесна и светла облека, консумација на лесна храна и течности, хигиена на раце и хигиенски начин на подготовка на храната. Хроничните болни редовно да ја земаат пропишаната терапијата.