Во Кривичниот суд денеска треба да се одржи рочиште за случајот „Титаник 2“ на Специјалното јавно обвинителство за изборни нерегуларности на локалните избори во 2013 година.
На денешното рочиште за „Титаник 2“ треба да бидат сослушани сведоците Борис Кондарко, Виолета Дума, Субхи Јакупи и Васил Крстев.
Но рочиштето се уште не е започнато и дадена е пауза од половина час поради отсуство на адвокатот Димитар Дангов кој го брани обвинетиот Сашо Срцев. Судијата Огнен Ставрев не попушти пред барањето на Срцев судењето да биде одложено. На Срцев ме му помогна ниту фактот што во судницата беше присутен заменик адвокат од канцеларијата на Дангов затоа што има една година работно искуство и не смее да застапува обвинети на кои им е запретена казна затвор.
Поради ова адвокатот на Сашо Мијалков, Љупчо Шврговски се согласи на ова рочиште да биде и адвокат на Срцев.
Во предметот обвинети се лидерот на ДПА Мендух Тачи, поранешниот директор на УБК Сашо Мијалков, како и поранешните членови на ДИК Бедредин Ибраими, Анета Стефановска, Влатко Сајковски и Сашо Срцев.