Судењето за предметот на СЈО „Топлик“, во кој осомничени се поранешниот министер за транспорт и врски Миле Јанакиески и уште пет лица за продажбата на градежна парцела во скопско Сопиште, е одложено за 30 јануари следната година.
Причина за одложувањето е тоа што двајца адвокати на Јанакиески денеска се ангажирани и во случајот „Труст“ и не се во можност да дојдат на судењето за „Топлик“.
Судијката Татајана Михајлова, по дебатата меѓу одбраната и обвинителите околу термините за судењето, реши денешнот рочиште да го презакаже за 30 јануари.
Во „Топлик“, првоосомничениот Јанакиески, како раководно лице во Министерството за транспорт и врски, спротивно на Законот за јавни набавки составил Комисија за јавни наддавања на која и наложил да избере понудувач за купување и располагање со државно земјиште за изградба на елитниот комплекс Сончев град во Сопиште, иако фирмата не ги исполнувала условите за тоа.
Од доказите, според СЈО, произлегува дека поради раскинувањето на договорот по вина на Министерството, Министерството се обврзало во износ од еден милион евра да му исплати долг и затезна камата на правното лице „Сан сити“.