Во моментов се во тек одвоени координации на учесниците на средбата за извештајот на експертската комисија за случувањата на 24 декември, минатата година.
Премиерот Груевски, со својот соработник Протуѓер и членовите на комисијата од ВМРО – ДПМНЕ излегоа надвор во дворот на Клубот на пратеници.
Додека претседателот на СДСМ, Заев, Шеќеринска и членовите на комисијата предложени од СДСМ останаа внатре.
Како што веќе информираше НОВА на средбата присуствуваат двајца претставници од меѓународната заедница.
После одделните координации се очекува учесниците на средбата да заемат заеднички став кој ќе биде соопштен пред новинарите.
>>Започна средбата во Клубот на пратениците
Состанокот следи по вчерашната средба Груевски – Заев, на која е договорен последен напор за откочување на работата на Комисијата. Последен рок за постигнување согласност за извештајот е петок, 23 август.
„Доколку до тој рок не биде постигната согласност, ќе се смета дека не може да се постигне конечно решение”, беше нагласено вчера во заедничкото соопштение по 45-минутната средба меѓу двајцата лидери, одржана зад затворени врати.