Според француската амбасадорка во земјава, Лоренс Оер, треба да се поддржи процесот кој го води еврокомесарот Јоханес Хан со лидерите на четирите најголеми партии, додека не се најде решение за кризата во Македонија.
– Преговорите вчера завршија многу доцна и беа продолжение на договорот што беше постигнат на 2.јуни. Треба да се продолжи со реформите во насока за организирање на што подобри избори што се предвидени да се одржат во април следната година. Јас уште еднаш ќе го искажам моето мислење дека процесот на комесарот Хан треба да се поддржи со тоа што политичкиот дијалог меѓу четворицата лидери во Македонија треба да продолжи додека не се најде копмромис, изјави Оер, од Тетово каде што присуствуваше на конференција организирана од Фондот Алемберт што се одржа на Правниот факултет при Државниот универзитет во Тетово.
оер напомена дека не може да каже ништо повеќе бидејќи не била директно вклучена во преговорите.
– Ние го подржуваме комесарот Хан и потенцираме дека преговорите треба да продолжат во овој формат за да се даде прилика да се изнајде консензус за политичката криза во Македонија. ЕУ има побарано од Македонија да исполни неколку критериуми што се однесуваат на последните настани во државата. И изнаоѓањето на легална разрешница на последните случувања. Ние го подржуваме комесарот Хан во неговите напори за излез од оваа политичка криза, напомена француската амбасадорка.