СВР-Скопје поднесе кривична пријава против С.С.(49), Ј.З.(53) од Скопје, поради основано сомнение за извршиле кривично дело „тешка кражба на дрзок начин“.
Според полицијата, тие со намера за себе да прибават противправна имотна корист во средата околу 11:00 часот на платото пред Стоковна куќа Мост во непосредна близина на Камениот мост, со помош на А.А. и С.А на турската државјанка Б.М.(24) и одзеле 200 евра.
Тешката кражба на дрзок начин осомничените ја извршиле на тој начин што додека оштетената заедно со нејзината другарка Ј.Н.(28), исто така турски државјанин, се движеле по платото пред Стоковна Куќа Мост кон Камениот Мост, броејќи ги парите кои предходно ги замениле во блиската менувачница, биле забележани од истите по што биле опкружени.
Ј.З. ја фатил за рака оштетената и ја убедувал да игра хазардна игра со кибрити, а А.А. и С.А. им го отргнувале вниманието.
Во еден момент, С.С. насилно со употреба на физичка сила со рака и ги грабнал парите (200 евра) кои оштетената ги држела во рака и истиот избегал кон Старата Скопска Чаршија.
Кога таа и нејзината другарка сакале да повикаат полиција, од страна на тројцата осомничени биле убедувани да не бараат помош, велејќи им дека полицијата неможе да им помогне, по што откако во еден момент успеале да ги одвратат во намерата и му помогнале на С.С. да избега, истите заминале кон Старата Скопска чаршија. По кратко време оштетената настанот го пријавила во полиција.
Од страна на Полициски службеници сторителите непосредно по извршувањето на кривичното дело биле пронајдени и приведени во полициска станица „Центар“.