Огранокот на ДПА во Струга ќе ја замрзне својата активност за време на одржување на престојните парламентарни и претседателски избори се до нивното завршување информираат од партијата во Струга. Од таму најавуваат целосен мораториум по одржаната внатрепартиска дебата бидејки централата во Тетово не го послушала ставот на струшкиот огранок кој беше незадоволен од листата за пратеници и носителот на истата Зија Јонузи.
„Со оглед на фактот дека заклучоците извлечени од состанокот на ДПА во Струга, одржан на 10.03.2014 година , не беа разгледани од страна на Централното собрание на Демократската партија на Албанците , односно по повлекувањето на сите кандидати за пратеници како и на законскиот рок за размислување , филијалата на Албанската Демократска партија во Струга, на барање на раководството на филијалата , претседателите , женскиот форум , Форум на млади и поширокото членство , беше донесена едногласна одлука Албанскиот огранок на Демократската партија во Струга, да ја замрзне својата активност за овие избори, до нивното завршување,“ информираат од ДПА Струга
Струшкиот градоначалник Зијадин Села неодамна изјави дека во ваквата нивна одлука не се крие никаква друга намера.
„Стојам зад секој кажан збор на огранокот на ДПА во Струга. Ние ќе стоиме до крај на нашите ставови бидејќи ние тука сите сакаме да победиме. Сега треба да се надминеме себеси и да победиме и тоа е целта на огранокот на ДПА во Струга. Нема никаква друга скриена цел. Ако некој сака ние да изгубиме ние тоа нема да го дозволиме да се случува. Не се согласуваме со листите и не сме консултирано околу тоа“, рече Села.
При последната посета на лидерот на ДПА Мендух Тачи на Струга каде присуствуваше на отварањето на изборниот штаб не се појави никој од локалното раководство.