Јавното обвинителство информира дека надлежен обвинител за гонење на организиран криминал и корупција во досегашното расветлување на настанот од 9.мај годинава кој се случи кај кумановско Диво насеље, прибрал дел од доказите.
– Обвинителството ја заврши и постапката за идентификација на осомничените која ја спроведуваше преку меѓународна правна помош. Преку меѓународна правна помош е започната и процедурата за екстрадиција на едно од осомничените лица, како и постапка за собирање на докази во предметот. Прибавено е криминалистичко – техничко вештачење на предметите и трагите прибрани од лице место по извршениот увид, се вели во соопштението од ОЈО.
Оттаму велат продолжуваат континуирано со преземање на дејствија и мерки со цел утврдување на факти во предметот и на кривичната одговорност на сторителите.
Во тек било сослушување на сведоци и осомничени во предметот.