Од денеска започнува процедурата на разгледувања на сите доставени приговори од политичките партии, кои во рок од 48 часа треба да бидат разгледани, односно до утре до 19 часот.
Како што изјавуваат извори од ДИК за НОВА, ова е листата на приговори:
СДСМ- 350 и со тоа е партијата со најмногу приговори
ВМРО-ДПМНЕ- 5 од кои 3 се за Струмица и 2 за Кичево. Оттука, ВМРО-ДПМНЕ ја оспорува победата на Зоран Заев
ДПА- 3
ДУИ- нема ниту еден приговор
ДОМ-околу 40
Обединети сили на Ромите- 10
НДП- 1
Против одлуката на ДИК, подносителот на приговорот може да поднесе тужба до Управниот суд во рок од 48 часа од приемот на решението. Управниот суд е должен да донесе одлука во рок од 48 часа по приемот на тужбата.
Одлуките по приговор и тужбата со самото донесување се објавуваат на интернет страницата на Управниот суд и на ДИК.
Секој подносител на листа на кандидати, при поднесување на приговор до ДИК задолжително доставува и официјална интернет адреса т.е. електронско сандаче заради доставување на одлуката на ДИК.
Рокот за поднесување на тужба до Управниот суд започнува да тече по истекот на пет часа од доставувањето на одлуката на ДИК во електронското сандаче.