„Ветувањето на Европа е тука, дајте ни нам и на вас начин да го оствариме“, ова е пораката на францускиот претседател Франсоа Оланд кој утре на 25 јули, патува во Брдо во Словенија на самитот на балканските шефови на држави. Ова е прво патување на француски претседател во Словенија од 1991 година.
Во Брдо, Оланд ќе се сретне со сите балкански шефови на држави а средбата со Ѓорѓе Иванов е предвидена утре околу 11 часот веднаш по средбите со домаќинот Борут Пахор и албанскиот претседател.
Според францускиот дневник Ле Монд, оваа посета може да се чини излишна во овој момент кога Европа е соочена со повеќе кризи, но Оланд има намера да испрати сериозна порака до целиот Балкан, особено сега по влезот на Хрватска во ЕУ, дека портите на Европа се отворени за балканските нации кои мораат да одат кон помирување.
Пораката е значајна особено во овој момент кога скептицизмот кон проширувањето има земено замав не само во Франција туку и насекаде во ЕУ па и на Балканот. Освен тоа, Оланд сака на извесен начин да ја врати Франција во регионот од каде што таа е практично отсутна во последниве години.
Оланд ќе се сретне со претседателите на Хрватска, Србија, Словенија, Македонија, Босна и Херцеговина, Црна Гора, Албанија и Косово. Според францускиот Ле Монд, близок до социјалистите на чии редови доаѓа Оланд, тој сака да им пренесе на сите овие земји дека страницата на војните е завршена и дека Франција, со текот на долг период беше видена про-српска и противник за независноста на екс југословенските држави, сака да го поправи овој впечаток и да покаже дека отворена кон прошируањето на ЕУ кон Балканот.
Во анализата на весникот се цитира висок француски дипломат кој тврди дека „земјите од Балканот ја менуваат епохата и го менуваат пост воениот период за да влезат во фаза, се уште чувствителна, за регионална соработка”, особено по доближувањето на Белград и Приштина.
Балканските земји се сепак се уште во фаза градење на демократијата каде што криминалот и непотизмот владеат и оттука перспективата за доближување до ЕУ им е неопхдна. Според професорот Жак Рупник европските граѓани треба да се убедат дека овој процес од големо значење со тоа што ЕУ не може да има тежина во светот доколку не успее да ги реши проблемите на Балканот кој се наоѓа на нејзините порти.