„Априлијада“ во снежни услови и на несекојдневен начин поради пандемијата на коронавирус и забраната за собири на јавни места. Настанот оваа година ќе се одржи онлајн на официјалниот Фејсбук профил на Детскиот културен центар (ДКЦ) „Карпош“, а стримот во живо е најаван за 12 часот.
„Во овие услови во кои смеењето ни е најпотребно, за првпат на несекојдневен начин ја организираме градската „Априлијада“. Ве покануваме да ни се придружите на овој настан што ќе се реализира на Фејсбук страницата на ДКЦ „Карпош“ со live stream со почеток во 12 часот. Смеењето е здравје, а здравјето ни е најпотребно во моментот“, се вели во пораката од ДКЦ „Карпош“.
Покрај испрашањето на маски, предвидени се изненадувања и за најдобрите на ликовниот и фото конкурс на тема „Априли ли ли“ (шеговит цртеж, фотографија или карикатура) што беше распишан до 28 март. Пристигнатата содржина беше разгледувана од ликовен педагог и фотограф, а најдобрите ќе бидат објавени на официјалната интернет страница на ДКЦ „Карпош“ и профилите на организацијата на Фејсбук и на Инстаграм.