Македонскиот режисер Оливер Мицевски патува низ Европа со својата најнова претстава „Зимска рамноденица“, работена по текст на познатиот драматург Роланд Шимелфенинг. Ова е еден од најизведуваните драмски автори во Германија и еден од најоригиналните гласови денес, со продукции во над 40 земји во светот. Последната изведба на оваа претстава на Мицевски последне пат се изведе во Кан а следната незјина изведба е во Копенхаген.
Овој текст на Шимелфенинг е еден од најатрактивните примероци на современ политички театар. Авторот предупредува на офанзивата на неонацизмот кој како што се вели не доаѓа со свастиката на чело, тој знае да се претстави дотеран во облека која ја крие неговата суштина. Во овој текст кој го инспирирал нашиот млад режисер авторот предупредува за опасноста од враќање на радикалните политички сили какви што се нацисите.
НОВА побара одговор од Оливер Мицевски за негов коментар за тоа колку политиката и актуелните политички случувања можат да бидат поттик и инспирација за создавање на театарска уметност.
“Театарот и политиката уште одамна се поврзуваат меѓу себе на најразлични начини. Судирот на политичките идеологии е многу потентна платформа за правење театар. Особено денес, кога политиката стана нераздвоив сегмент од нашето секојдневие. Лично, многу сум загрижен за радикализацијата на левиот и десниот политички спектар на глобално ниво. Агресивноста на либералите стана неподнослива. Неприфаќањето на “другоста” и размислувања различни од тие на либералите, во исто време стана и гориво за растот на радикалната десница. Како последица, имаме воскреснување на нацизмот, особено во Европа, нешто за кое бевме сигурни дека повеќе не постои, по научените лекции од втората светска војна. Овој судир меѓу неолибералите и неонацистите е главната причина поради која авторот Роланд Шимелфениг се зафаќа со пишување на ремек делото, драмата WINTER SOLSTICE. Шимелфениг, ужаснат од растот на крајната десница во Германија, олицетворена во партијата AFD, го отвара прашањето, на кој начин и со кои методи неонацистите успеваат да ги изманипулират обичните луѓе, и да ги направат свои следбеници. Авторот не е нежен ни со либералите исто така, го отвара и прашањето за слабостите на либералите, кои што од стартната точка на љубов, еднаквост и стремеж за подобар свет, полека почнуваат да заличуваат на фашистите на Хитлер и Мусолини, преку бескомпромисното наметнување на својата волја. Претставата завршува со ритуална, налик на ИСИС егзекуција на главниот лик во претставата, краен десничар, од страна на либералите, крај што отвора уште низа дополнителни прашања. Имавме бурни реакции по нашите изведби на WINTER SOLSTICE во Кан, Франција и Будимпешта, Унгарија.” Изјави за НОВА, режисерот Оливер Мицковски.
Тој со неговата најнова претстава доаѓа во Скопје есенва кога и нашата публика ќе има можност да го види ова театарско остварување.