Охридската опозиција со обвинувања дека вработените во Јавните претпријатија во Охрид и локалната администрација им било наредено во недела на гласачките места да се појават до 10 часот и да гласаат за ВМРО-ДПМНЕ.
“На последниот ден од кампањата вршат притисок врз вработените. Ги повикуваат еден по еден во Јавните претпријатија и им кажуваат да излезат на гласање до 10.00 часот и да гласаат за нивната политичка партија, затоа што ако не направат така после избори ќе си имаат проблем.
Знаејќи го ова, но и тоа со кого имаме работа, како ВМРО НП око не ни трепнува. Токму поради тоа ние работевме по многу поинаков план“, рече носителот на изборната листа на ВМРО- НП за 5-та та изборна единица, Ванчо Костоски.
Костоски рече дека најголема лага која од ВМРО ДПМНЕ му ја пласирале на народот и на нивното членство била дека по изборите ќе имало вработувања, затоа што како што кажа од 2015 година земјава ќе морала да ги враќа кредити во висина над 700 милиони евра. Дејан Блажевски претседател на ЛДП Охрид праша со што придонел Антонио Милошоски и кандидатите за пратеници за Охрид.
“Од распределбата на средства по општини од Агенцијата за патишта која што се врши според определените критериуми и методологии во кои влегуваат број на возила, број на улици, број на потрошено гориво, Општина Охрид е осакатена за околу 2.500.000 евра. Ова го зборувам затоа што по таа методологија, Општина Охрид треба да добива годишно по 30.000.000 денари. Општина Охрид во последниве осум години добива од 7 до 9 милиони денари на годишно ниво. Тоа не значи никаква љубов кон градот туку само лажно продавање на магла од кандидатите за пратеници“, изјави Блажески.
“Како можеме да им веруваме на луѓе кои што ни тврдеа дека нечиви згради тонат, дека од трет спрат ќе стигнат на прв спрат. Ќе погледнете дека кај Билјанини Извори зградите се се уште тука, не лажеа дека ќе не поплави езерото и што ли уште не. Тие луѓе немаат кредибилитет да бараат повторен мандат. Уште повеќе немаат кредибилитет да бараат повеќе мандат новите кандидати за пратеници на оваа листа, односно Сашо Василевски и Љубен Арнаудов.
Дваесет години се трудиме да го опоравиме здравството во Македонија, меѓутоа последните осум години знаете што се случуваше со болницата во Охрид. Зошто не признаат колку тужби имаат од хирурзите и анестезиолозите за ненавремено испалќање на дежурства?
Зошто не кажат дека немаат стручен кадар кој што знае да управува со апаратите дури и нестручните луѓе го упропастија и 4Д апаратот. Зошто не кажат дека компјутерскиот систм кој што го воведоа е катастрофален и го отежнува редот и работата на лекарите.
Г-дине Сашо Василевски, ова го знаат вашите колеги и вашите пациенти, а вие до утре можете да тврдите и да промовирате проекти како „Ало, докторе“ “, истакна Блажески.
Она што сакаме да го предупредиме е дека на 27 април од страна на СДСМ можни се црни сценарија со кои би се нарушил изборниот процес со што намерата би била изборите да бидат прогласени за невалидни рече Александар Николоски кандидат за пратеник од ВМРО ДПМНЕ
“СДСМ соочени со фактот за нивниот пораз на престојните претседателски и парламентарни избори би можело да наведат на одредени црни сценарија од типот: снемување на фломастери за обележување, насилно туркање на избирачки кутии, фотокопирани избирачки ливчиња, лажни идентификаии и сл. Исто така целта на ДУИ е да не успеат претседателските избори и ВМРО-ДПМНЕ да нема 63 пратеници за Македонија да биде уценета“, истакна Николоски.