Состанокот помеѓу лидерите Зоран Заев, претседател на СДСМ, Љубчо Георгиевски, претседател на ВМРО НП, Стојанче Ангелов, претседател на Достоинство и Марјан Огњановски од Обединети за Македонија поминал во разговор за барање на натпартиско решение за избор на кандидат за претседател на престојните избори во април идната година.
„Се надеваме дека ќе се направи избор на човек, на личност која ќе ги помине границите на партиските структури и дека македонските граѓани ќе добијат претседател каков што заслужува една демократска и проевропска земја“, изјави претседателот Заев.
Лидерите на партиите од Сојузот за иднината разговарале и за избирачкиот список и изборниот законик.
Претседателот на СДСМ Заев изјави дека тие мора да бидат донесени во консензус помеѓу опозицијата и власта.
Тој уште еднаш повтори дека опозиција нема намера да излегува на предвремени парламентарни избори без прочистен избирачки список.