Анкетната комисија за расветлување на настаните од 24-ти декември мора да започне да функционира, истакна денска евроамбасадорот Аиво Орав.
„Можам да ја изразам мојата искрена надеж дека оваа анкетна комисија ќе може да се формира што е можно поскоро и за нас како Европска Унија ова е многу важно прашање, зашто комесарот Фуле беше лично тука и тој помагаше во постигнувањето на договорот од 1 март меѓу двете страни“, рече Орав.
Денеска амбасадорот Орав заедно со својот домаќин, градоначалникот на Струмица, Зоран Заев, присуствуваше на почетокот на манифестацијата на пристигнувањето на ЕУ автобусот во селото Муртино,во рамки на кампањата на запознавање на населението со Европската унија.