Политичката криза денес е се подлабока. Договорот од Пржино минатата година кој беше потпишан под медијаторство на ЕУ и САД им даде надеж на граѓаните, политичари и меѓународната заедница. Но за жал минатата година видовме опструкции, одлагања и нецелосно имплементирање. А аболицијата е кулминација на ова.
Ова е дел од говорот кој евроамбасадорот Аиво Орав денеска го порача пред дел од највисоките функционери во државата кој беа на прославата во просториите на Европската делегација по повод Денот на Европа.
– Кога се носеше оваа одлука, беше јасно дека е поради евроатлантскиот пат на земјата. Но евроатлантските аспирации значат демократија и владеење на правото. А ние владеењето на правото го разбираме поинаку, порача Орав.
На средбата, помеѓу странските амбасадори, беа и спикерот Трајко Вељаноски, вицепремиерот за евроинтеграции Фатмир Бесими, тимот на Специјалното јавно обвинителство, лидерот на СДСМ, Зоран Заев и други.
Орав дополни веднаш и без одлагање се потребни мерки за надминување на кризата и дека нема простор за одлагања и опструкции понатаму.
За тоа рече тој, тука е Европската унија и ќе продолжи да биде тука за да и помогне на земјата да се приближи кон европското семејство,
