Француската оскаровка, Жулиет Бинош е ѕвездата на јубилејното 35-то издание на „Браќа Манаки“, соопшти директорката на фестивалот, Лабина Митевска, на последната прес-конференција пред свеченото отворање.
Ѕвездата ќе присуствува на отворањето, ќе престојува три дена и ќе одржи мастер клас. Во нејзина чест, фестивалот ќе се отвори со „Облаците на Силс Марија“, филм во кој таа е главната улога, а неодамна се промовираше во Кан и Торонто.
Француската актерка ќе ја прими наградата „Златна камера 300“ за особен придонес во филмската уметност.
Бинош освен што е добитничка на Оскар, таа во своето филмско искуство се закити и со Венецијанскиот лав и палмата од Канскиот фестивал. Во својата кариера може да се пофали со соработки со врвни режисери и актери. Нејзе многумина ја знаат по улогата во филмот „Чоколадо“ заедно со Џони Деп.
Освен актерската историја што ја има изградено Бинош е и хуманитарка и поддржувач на организацијата „Репортери без граници“.