ВИДЕО Османи и Генчовска го потпишаа протоколот меѓу Северна Македонија и Бугарија

0
By on ПОЛИТИКА
FOTO BNT

За нас е историска можност што по 17 години почнуваме пристапни преговори со ЕУ, очекуваме поддршка и блиска соработка со Бугарија на овој пат, во интерес на граѓаните на РСМ и на Бугарија чиј интерес е Западен Балкан, а особено РСМ да се движи брзо кон членство во ЕУ, рече Османи. Според најавите, протоколот треба да биде објавен по неговото потпишување.

Во Софија денеска министрите за надворешни работи на Северна Македонија и на Бугарија, Бујар Османи и Теодора Генчовска го потпишаа билатералниот протокол по состанокот на заедничката меѓувладина комисија. Според најавите, протоколот треба да биде објавен по неговото потпишување.

Потпишувањето на протоколот е дел од преговарачката рамка за почеток на пристапните преговори на Македонија со ЕУ.

По потпишувањето, Генчовска кажа дека Бугарија најсилно ја поддржува европската интеграција на Македонија и Албанија.

Османи изјави дека „целта на средбата и на протоколот, потпишан 3 години по  првиот, е да направи пресек на сработеното меѓу две средби на меѓувладините комисии и да направи пат за следното што треба да се исполни“.
Тој додаде дека имале конструктивни разговори, доста е сработено , има проекти меморандуми со коишто се отвораат можности за подобри односи и поблиска соработка, заснована на меѓусебна доверба меѓу двете земји, „како блиски пријатели и сојузници во НАТО, а, се надевам, наскоро и во ЕУ“.
„За нас е историска можност што по 17 години почнуваме пристапни преговори со ЕУ, очекуваме поддршка и блиска соработка со Бугарија на овој пат, во интерес на граѓаните на РСМ и на Бугарија чиј интерес е Западен Балкан, а особено, РСМ да се движи брзо кон членство во ЕУ“, рече Османи и додаде дека се надева оти ова е само почеток, и дека „се отвора ново поглавје за да се надминат сите предизвици и пречки на патот, за да продолжиме на тој пат на европска соработка“.

Покрај министерот Османи, во состав на македонската делегација се вицепремиерот за европски прашања Бојан Маричиќ, министерката за култура Бисера Костадиновска Стојчевска, министерот за економија Крешник Бектеши, како и министерот за транспорт и врски, Благој Бочварски.

Потпишувањето на протоколот и одржувањето на состанокот на меѓувладината комисија следуваат откако вчера францускиот предлог беше одобрен од страна на Владата по усвојувањето на заклучоците во македонското Собрание. 

 

Share.