Пред судијата на претходна постапка, а по претходен договор со обвинителот од Обвинителството за гонење на кривични дела поврзани и кои произлегуваат од незаконското следење на комуникации денеска е сослушан Исмет Гури, за кого СЈО
поднесе предлог за определување мерка притвор.
Тој во предметот на Титаник е осомничен за изборни нерегуларности за изборите за градоначалник во Чаир во 2013.
– По негово сослушување во присуство на полномошник, судија на претходна постапка од одделот за Кривично полнолетни донесе одлука со која се одбива предлогот за определување мерка притвор и му определи мерка за претпазливост од член 146 ст. ст.1 т. 6 од ЗКП односно Забрана за приближување или воспоставување, односно одржување контакти или врски со определени лица, се вели во соопштението од Судот.
Лицето против кое е определен мерката како и обвинителството кое ја преддложи мерката, имаат рок за жалба до овој суд во рок од 24 часа.
Гури по сослучувањето кусо изјави:
– Ја почитувам одлуката. Одлуката ќе ви ја соопшти портпаролот на судот. Последниот збор е на истражните органи, рече тој.
Обвинителката Фатиме Фетаи на прес конференцијата во петокот рече дека „со оглед дека во записниците од извршеното гласање за градоначалник на Општина Чаир во 2013 година извршиле преправање на резултатите и против едно лице од Комисијата исто така е поднесен предлог за определување на мерка притвор поради опасност од влијание врз сведоците и соучесниците“.