Три песни од покојниот српски кантавтор Ѓорѓе Балашевиќ ќе бидат вклучени во учебниците на српски јазик за основните училишта во Србија, јавуваат српските медиуми.
– Тој е важен бидејќи е разновиден, а тоа е она со коешто се одликува нашиот драг Ѓоле. Тука ја имаме „Девојку са чардаш ногама“ – весела, оптимистична песна, потоа – „Д-мол“ – тажна љубовна песна, а за осмоодделенците – „Дрвена песна“ за еден момчешки сон, објасни професорката Ивана Лучиќ од едно основно училиште во Нови Сад.
– Оттаму, тие песни се прекрасна основа за наставниците да ги анализираат заедно со учениците, да наоѓаат стилски фигури, скриено значење и оние пренесени значења, вели наставничката.