Актерите од Албанскиот театар во Скопје се приклучија на автентичен начин во протестот кон загадениот воздух кој го дишат граѓаните на Тетово, Скопје и другите загадени градови.
На крајот на синоќешната претстава „Затвореникот од 15 кат„ од Нил Сајмон, пред публиката во Тетово актерите се појавија со огромен транспарент на кој пишиваше „Остави ме да дишам“.
Едно вакво подигнување на гласот од страна на актерите од Албанкиот театар беше бурно пречекан од Тетовската публика, која не престана за неколку минути да им аплаудира како за изведбата, така и за чинот на активно учество на театарот во однос на општото добро на граѓаните.
Комедијата „Затвореникот од 15 кат„ е дело на познатиот американски писател Нил Сајмон, каде се прикажува животот на една фамилија која се соочува со невработеност, безперспективност но и пред се со загаден воздух во градот каде живее.
Претставата е панорама на перипетиите (на семејството Симони) кои на еден или на друг начин се интегрален дел на големите социјални проблеми кои ги доживува секој од нас.
Публиката час насмеана час замислена во текот на претставата помина низ неколку емоционални состојби, кои се разбира поради жанрот на претставата беа забавни, но воедно и причина подобро да ја разбереме реалноста во која живееме. Публиката посебно реагираше на репликите кои се однесуваа на загаденоста на градот во кој живеат ликовите на претставата, реплики кои не се разликуваат многу од секојдневните разговори на тетовчани.
Во претставата играа актерите Хамди Рашиди, Вјолца Бектеши – Хамиди, Музбајдин Ќамили, Теута Ајдини Јегени, Дрита Каба Карага и Флора Кадриу, додека режисер беше Донард Хасани.