По инцидентот со демолирањето на Музејот на албансаката азбука во Битола стигна реакција од Здружението на историчари Албанци во Македонија, јавува Алсат М .
Тие сметаат дека станува збор за тешко дело бидејќи се случува на денот кога се одбележува празникот на сесловенските просветители, а се оштетуваат свети објекти од просветителство на народ со друг јазик.
„Оценуваме дека овој низок кукавички чин на одредени македонски кругови, потхранети со крајна албанофобија, уште повеќе ги нарушува меѓуетничките односи кои со големи напори се обидуваме да ги создадеме како мултиетничко општество. Ги паовикуваме властите во Тирана и Приштина, како и претставниците на Албанците во Македонија или да се стават во одбрана на културното и историското наследство или јавно да се изјаснат дека се откажуваат од историскиот спомен и кодот за идентификување на албанскиот идентитет, како што е Музејот на конгресот на азбуката…“, стои меѓу другото во реакцијата.
Осуда за инцидентот денеска пристигна од Владата на Р.М и Министерството за култура.
Од ДУИ пак, побараа побрзо расветлување на настанот и казни за сторителите. Според ДУИ, со овој чин се докажува дека некој не ја почитува вредноста на културата на другите и вредноста на меѓуетничките односи.