Осум тинејџерки се обвинети за убиство со нож на 59-годишен маж од Торонто, како што полицијата го нарекува ненадеен напад.
Осумте девојки биле пронајдени набргу по нападот и приведени и обвинети за убиство од втор степен, изјавија од полициската служба во Торонто, пренесе Си-Ен-Ен.
Три од девојчињата имаат 13, три од нив 14, а две од нив 16 години, според соопштението на полициската служба во Торонто.
Групата тинејџерки „се запознале преку социјалните мрежи. Тие доаѓаат од различни делови на градот“, рече полицијата.
„Не знаеме како и зошто се сретнале таа вечер и зошто се упатиле кон центарот на Торонто“, рече претставникот на полицијата, додавајќи дека полицијата верува дека групата вечерта пред убиството била вмешана во „расправија“ со жртвата.
Полицијата се воздржа да ја нарече групата девојчиња „банда“ но истакна дека тие се однесувале како глутница и ја боделе жртвата симултано. Кај девојките биле пронајдени и повеќе различни парчиња оружје.
Три од девојките имале „претходен контакт“ со полицијата.
Извор: Си-Ен-Ен