Отец Пимен од Европската Епархија предмалку се обрати на Фејсбук, коментирајќи ги инцидентите и воедно критикувајќи ги демонстрантите:
” Христијани мои кои ја браните црквата!
Ај што повторно направивте материјална штета а патем од тоа немаше ефект ама што не размисливте христијански барем дека со толку фрлени јајца можевте да нахраните сиромашни и гладни деца што бараат макар и расипано јајце во контењерите, тоа боли повеќе…
А башка и не одделува од Бога… ”
Што се однесува до ставот МПЦ на инцидентите околу градењето на Црква, пред три дена владиката Агатангел изјави: „Во 21. век, во распарчена Македонија, Жерновски сака да урива црква. Ако почне да урива лошо ќе помине“.
Сосема спротивставени аргументи имаше Европскиот епископ Пимен во обид да ги смири демонстрантите, кој во петокот на ФБ напиша:
„Вака ли го сведочиме мирот Христов верен народе? Рушиме општина во обид да спречиме “рушење” на црквата. Дајте да ги наполниме црквите наместо опшинските дворови. Само така се чува и брани црквата и верата мој верен народе! Бог од нас бара милост а не жртва! Сепак, фала Ти Господи за сè! “
Владиката Агатангел пред црквата „Свети Константин и Елена“ која е во изградба, дошол да го брани нејзиното евентуално рушење, за да ги одбрани и своите пари кои ги донирал за оваа црква.
Тој е изненаден од критиките на европскиот владика Пимен, кој на Фесбук напиша дека кога бил пред црквата него никој не го препознал. Владиката повардарски Агатангел со коментар:
– Па него никој и не го викна. Јас на протести отидов со благослов на неговото блажество, дедо Стефан, а тој таму дојде во патики и без мантија за да не го познаат. Не го носеше ни ранецот на рамо по кој го препознаваат луѓето. Зошто го смени ставот и критикува не ми е јасно, но не сакам да завлегувам во неговите мотиви – изјави за Либертас, владиката Агатангел.