Британската амбасада во Скопје им нуди можност на сите ентузијасти да ги надополнат своите способности и знаење, работејќи во релевантни институции и организации во Велика Британија.
Повикот е наменет за медиумските работници, активистите за човекови права и социјални работници, истражувачи или аналитичари кои веруваат дека ќе имаат бенефит од работењето во институциите во Британија.
Престојот е определен од 2 до 4 недели, во институција или организација каде што ќе се работи на истражување или стекнување знаење.
Области во кои може да се аплицира за стипендија се: „инклузија и различности во општеството“, „човекови права (вклучувајќи ја слободата на изразување и слободата на медиумите)“, „граѓанско општество, лобирање, граѓански активизам и развој на политиката“, и „развој и влијание на јавните политики преку граѓанското општество и медиумите“.
– Заинтересираните треба да испратат CV (не подолго од три страни) со кратка содржина за областа на дејствување, инволвираност во проекти, објавени текстови, активизам и слично.
– Кратка содржина за целта и активностите за вашето аплицирање во Велика Британија (не подолго од две страни)
– Краток расказ за тоа како ќе се употреби стекнатото искуство по враќањето во Македонија.
Британската амбасада не го обезбедува „вработувањето“, апликантите се одговорни за тоа, наоѓајќи организација базирана во Велика Британија која ќе достави пишана потврда заедно со апликацијата.
Надоместокот од стипендијата ги покрива визата, сместувањето, повратен тикет до Британија и фиксна сума за оброци и транспорт за време на престојот.
Повикот е достапен само за индивидуалците кои работат во Македонија.
Заинтересираните својата апликација ја праќаат со назнака „Diversity Fellowship Application“ до BESkopje.ProjectsOffice@fco.gov.uk
Рокот за пријавување трае до 31.јануари 2014 година, а одбраните апликанти ќе бидат повикани на интервју во Британската амбасада во Скопје.