Отворена истрага за воено злосторство од пред 20 години

Српското обвинителство за воени злосторства подготвува истрага против седумина државјани на Србија и БИХ заради сомнеж дека учествувале во киднапирањето и убиството на 19 патници од возот на линијата Белград-Бар во станицата Штрпци во феруари 1993 година, пишува Блиц. Обвинителството располага со изјави од најмалку 30 сведоци, а постои сомнеж дека на списокот на осомничените се наоѓаат и извршителите на убиството на северинските Бошњаци од 22 октомври 1992 година. Станува збор за осомничени кои не биле достапни на органите на прогонот во овој случај, кога четири лица беа осудени на 75 години затвор.
Во околината на Вишеград е откриена масовна гробница во која се верува дека се закопани телата на жртвите во Шртпци, објави обвинителството на БИХ. На основа на информациите кои ги доставило Посебното обвинителство за воени злосторства на Србија, се врши есхумација во местото Хртар во близина на Вишеград каде се пронајдени остатоци од закопани тела.