Зоран Иванов
Толку беше со манипулациите за одговорните за кочанската трагедија па ајде сега ред е ред да се редат и актуелниве одговорни.
Влaдата, надлежните министри, извршните функционери распослани по ресорите со се нивите 78%.
Кочанската несреќа што власта ја забошотува и што во тоа сесрдно е потпомогната од влијателните и под ЕПП хипотеки медиуми, пред се од телевизиите со национален предзнак, земски или кабловски сеедно, продолжува да тлее со непредвидлива ерупција.
Но и не само власта, конкретно не само водството на ДПМНЕ, туку и опозицијата. И таа да запре со кокетирањето и со грижата совест.
Партиското водство на СДСМ има и шанса и обврска тешкиот изборен пораз поради корупциите што во своите редови што во коалициските, афторитетно и со образ да го преобразува во победа врз актуелните политички мимикрии на ова и вакво антиевропско или попрецизно, регресивно владеење на ДПМНЕ.
Ќе има процеси на истраги и обвинителски и судски па “кому боб, кому поп”. Дотогаш …
Дотогаш е нужна ако не Шарена, тогаш барем засилена еволутивна граѓанска но и опозициска револуција за освестуваење на гневните и посебно на заблудените македонски граѓани од популистичките и измислени идентитетски наративи за гордоста на нацијата.
За гордоста лажна на најбедната, според сите последователни десетгодишни тестирања, и на најнеписмената европска нација.
Па, па сега видете како натаму зашто, како наближуваат локалните, така бликаат лагите.