Електронското закажување кај специјалист создаде незадоволство и нервози, како кај пациентите така и кај матичните лекари. Медицинските сестри и лекарите се жалат дека постојано паѓа системот при што не се во можност да закажат преглед, но и кога ќе успеат да влезат во системот пациентот повторно може да извиси, бидејќи се случува кај избраниот специјалист да бидат пополнети сите термини за еден или два месеца порано.
НОВА се обиде да сними изјави од медицинските тимови, но уплашени од последиците не сакаа да зборуваат јавно. Сеапк, зад камерите сите едногласно потврдија дека имаат проблем со електронското упатување кај специјалист. Нашата камера на лице место забележа како изгледа кога неможе да се закаже термин, а пред шалтерите пациетите чекаат нервозни.
Во видеото погледнете ги реакциите на пациентите во една скопска поликлиника.
Од друга страна, во Министерството за здравство денеска се пофалија дека проектот „Мој термин“ е успешен. Од таму новинарите ги бомбардираа со енормно високи бројки за тоа колку електронски упати биле издадени и за колку време, нешто што воопшто не ги интересира ниту лекарите ниту пациентите.
Милан Аризанковски проект- менџер на „Мој термин“на прашањето на НОВА дали знаат дека матичните лекари имаат проблем бидејќи системот паѓа, одговори дека такви проблеми нема.
Во видеото е изјавата на Аризанковски.
Електронскиот систем на упатување не предвидува државни и верски празници, како неработни денови така што овој пропуст создава дополнителни проблеми. Во него не е вклучено ниту лабораторијското издавање на упати.
НОВА стапи во контакт и со лекари од скопските клиники кои потврдија дека секојдневно им доаѓаат пациенти кои се жалат дека матичниот лекар неможе да им закаже термин бидејќи „не им работи комјутерот“, како и специјалисти во одредени поликлиники на кои системот не им фукционирал по десет дена.
На клиниките велат дека поради ваквиот хаос , многу пациентите се откажуваат, не доаѓаат на закажаните прегледи и спас бараат во приватните болници.