Претседателот на Словенија Борут Пахор денеска заедно со својот домаќин, македонскиот претседател Ѓорге Иванов, ќе присуствува на коктел со претставници на словенечката заедница во Република Македонија, бизнисмени и претставници на Македонско-словенечки бизнис клуб.
Во рамките на настанот, ќе биде извршена промоција на Европското првенство во кошарка, што во септември ќе се одржи во Словенија.
„Потребна е иницијатива за решение за името, која нема да ги остави рамнодушни ниту претставниците од ЕУ и меѓународната заедница, со што ќе одблокита евроинтегративниот процес на земјата“, изјави вчера словенечкиот претседател Борут Пахор, кој се наоѓа во дводневна посета на Македонија.
Ова е многу битно, истакна Пахор, за паралелно да се решаваат членството на земјата во ЕУ и името.
– За кавга и соработка секогаш се потребни двајца. Потребно е многу храброст водачите на двете страни да се одлучат за соработка, рече Пахор.
Претседателот Горѓе Иванов по средбата со Пахор објасни дека се направени иницијативи за средби со грчкиот државен врв токму на оваа тема, но кои не вродиле со плод.