Фудбалската треска започна и кај нас. Во родниот град за Светското првенство е и еден од најпознатите македонски фудбалери и струмичка гордост, Горан Пандев. За фудбалерот на Наполи фаворит на првиот натпревар, кој се одигра вчера беше Бразил.
„Мој фаворит е Бразил, затоа што е домаќин, но се надевам дека ќе има изненадувања и ќе гледаме интересен натпревар. Во финалето очекувам да се сретнат европска и јужноамериканска репрезентација“, изјави Пандев.
Тој натпреварот го следеше со најблиските од академија „Пандев“, а крајот на мундијалот
истакна дека ќе го следи во Италија.
Во најфудбалскиот град Струмица, кафулињата беа преполни. Струмичани наздравија за
стартот на првиот натпревар. Навивачите беа поделени, иако преовладуваа симпатии кон
бразилските ѕвезди. Меѓу нив на стартот на СП, повторно како „противници“, градоначалникот Зоран Заев и пратеникот Славе Гошев.
Струмичкиот градоначалник ги бодреше „ кариоките“, додека пратеникот Гошев „коцкестите“. „Фаворити ми се Бразил пред се заради предноста што ја имаат како домаќини, но секако и поради екстра играчите со кој располага бразилскиот тим. Меѓу главните кандидати за освојување на првенството освен Бразилците се и Шпанија, Португалија со ѕвездата Роналдо, и силната Германија“, рече Заев.
Тој отворањето на СП и првиот натпреварго следеше во домашна атмосфера. Пратеникот Славе Гошев заедно со своето друштво во едно од струмичките кафулиња навиваа за Хрватска.
„Од дете сум навивач на Динамо Загреб па така и вечерва ќе ги бодрам Хрватска на првиот
натпреваер со домакинот Бразл. Инаку мои фаворити за Светското првенство се токму
Хрватска и Аргентина“, рече Гошев.
Во Струмица на стартот од мундијалот е и Игор Филевски – Филе кој подготвува фудбалско кабаре секоја ноќ до крајот на првенството.
„Има ли пофудбалски град во Македонија од Струмица. Токму заради тоа сум и јас овде. Вечерва Хрватска ми е фаворит зошто ми се комшии и мислам дека ќе направат изненадување, тоа е некако стандардно на отварање на првенство. Нејмар е дел од екипата
на Барселона, но направи толку голем раздор во екипата што тоа резултираше со негативен пласман на трите локации, иако никој од Барселона не сака да го признае и каже тоа. После
Светското мислам дека ќе биде спуштен на земја како што рече Јохан Кројф, пред извесно
време “, истакна Филе.
Координаторот на академија „Пандев“ Југослав Тренчовски, во друштво на Пандев е на
страната на Бразил. Тој мисли дека како домаќини се во предност пред Хрватска.
„Атмосферата која ќе ја направат вечерва на отворањето и како домакини мислам дека
Бразил се во предност и фаворити вечерва против Хрватска. Исто така имаат играчи кои
играат надвор од Европа, а тоа значи дека се поодморени од останатите. Инаку на СП покрај Бразил, не треба да ги исклучиме и Шпанија, како и останатите јужноамерикански екипи“, вели Тренчовски.
По првите 90 инути „ кариоките“ ги освоија првите бодови против „коцкестите“, а меѓу
навивачите во Струмица Зоран Заев го „доби“ Славе Гошев.