Во Париз започна преговорите во врска со предложената резолуција на ОН што ќе овозможи ставање под контрола на сириското хемиско оружје, изјави еден француски официјален претставник, кој додаде дека преговорите течат во напната атмосфера.
Се чинеше дека планот за меѓународна контрола, инициран од страна на Русија, ќе ја олесни кризата предизвикана од американските намери и нејзините сојузници со бомбардирање да го казнат сирискиот режим, поради, како што велат, употребата на хемиско оружје против цивили.
Тогаш, сепак, се создаде нова потенцијална препрека кога Москва го одби американскиот и францускиот предлог за носење на обврзувачка резолуција од страна на Советот за безбедност на ОН, со која се врши закана кон Дамаск со “сериозни последици” ако не соработува.
Францускиот официјален претставник близок до францускиот претседател Франсоа Oланд рекол дека Русија се жалела не само на тоа што резолуцијата би била спроводлива со користење на воена сила, туку и затоа што вината за употреба на хемиско оружје би паднала врз Сириската влада.
Проблематично било, исто така, и барањето одговорните да бидат изведени пред Меѓународниот кривичен суд.
Уплашени од она што француската дипломатија го нарече “стапица”, Париз и Вашингтон настојуваат преку Советот за безбедност на ОН да ја протнат резолуцијата со која се предвидува проверка на хемиското разоружување на Сирија.
Русија, близок сојузник на Сирискиот претседател Башар ал Aсaд вчера го отфрли францускиот предлог.