Одлуката на Владата за рестартирање на масовниот загадувач „ Југохром“ претставува глупост на една политичка елита, веќе докажана и нехумана, како што е владеењето на ВМРО и ДУИ, велат од Движењето за реформи ДПА .
По службените пресметки дека оваа фабрика секој ден испушта во воздухот 30 тони индустриска прашина и ја загадува Полошката котлина со канцерогени ПМ 10 честички до 41% и апсурдно е повторно да се даде дозвола за продолжување со работа без поставување на филтри, велат од партијата на струшкиот градоначалник Зијадин Села.
„Недозволив е фактот што во текот на двата изминати месеци, јануари и февруари, сопствениците на Југохром не направија ниту минимален обид за поставување на заштитни филтри. Од друга страна, истото не го направи ниту Владата на Македонија, па ни Министерството за екологија и животна средина. Наместо обиди за решавање на проблемот, владеачката коалиција ВМРО и ДУИ се занимава со изработка на сценарија за меѓусебни провокации и поттикнување на меѓуетнички тензии“, потенцираат од Движењето за реформи ДПА .
Движењето за реформи ДПА апелира до сите граѓани на Полог, амбиенталисти и невладини организации заедно да кренат глас против канцерогеното загадување со цел заштита на здравјето на луѓето и децата.