Партнерката на францускиот претседател Валери Триевајлер во четвртокот вечер била примена во една париска болница, јавува францускиот весник Паризјен. Според весникот таа била особено погодена од откритието на љубовната врска помеѓу нејзиниот партнер Франсоа Оланд и глумицата Жули Гаје.
Истиот извор тврди дека таа ќе излезе од болница за неколку дена но докторите сметаат дека таа треба да се одмори неколку дена.
Францускиот магазин Клозер во четвртокот објави текст и фотографии во кој се открива дека францускиот претседател има љубовна врска со глумицата. Оланд во една изјава рече дека ова е нарушување на неговата приватност но не обвини за клевета па некои набљудувачи сметаат дека оваа негова изјава е еден вид признавање на врската со актерката.
Неговата партнерка Триевајлер на ова не реагираше. Според парискиот весник парот Триевајлер и Оланд си дале рок од неколку дена за да ја разјаснат ситуацијата.
Беше најавено дека во саботата вечер Елисејската претседателска палата ќе ја објасни ситуацијата но најавеното соопштение не пристигна до овој момент.
Триевајлер и Оланд не се венчани но повеќе години, откако Оланд се разведе од политичарката Сеголен Роајал, живеат заедно.