Доколку треба да тргнете на пат со автомобил оваа вест е за вас.
Авто-мото сојузот на Македонија бара од сите возачи исклучително внимателно да возат, да ја прилагодат брзината со условите на патот и да ги почитуваат сообраќајните знаци за брзината.
Македонските патишта се се уште влажни а во западниот и северниот дел на државата има остатоци од снег, некаде замрзнати па оттука сообраќајот се одвива отежнато. Интензитетот на сообраќајот на патните правци надвор од градските средини е умерен.
Зимската опрема е задолжителна од 15 ноември до 15 март без оглед на временските услови.
Забрана за сообраќај има на регионалниот пат Кратово-Пробиштип во двата правци за сите возила. А во
22:35 часот повторно е воведена забрана за сообраќај на тешки товарни возила на патниот правец Велес – Катланово.
Сообраќајот на патниот правец Куманово – Крива Паланка се одвива отежнато поради наноси од снег на патот.
Има и добри вести. ОД 8 часот патниот правец Крупиште-Пробиштип е прооден а се нормализира сообраќајот на помеѓу Свети Николе-Куманово.
Од Велес кон Штип и Пробиштип наизменично се пропуштаат возила. Остануват на сила забраните за тешки товарни возила.
Забрани за сообраќај за тешки товарни возила има на планинските превои Стража,Маврово, Ѓавато, патен правец Крива Паланка- граничен премин Деве Баир и патниот правец Велес-Катланово.
Во клисурите и засеците можна е појава на помали одрони, особено на патните правци: Кочани – М.Каменица – Делчево, Виница – Берово, Гостивар – Стража, Маврово-Дебар-Струга, Д.Капија – Удово, Катланово-Велес, Крушево – Демир Хисар и Ресен-Буково, јавува АМСМ.
Подетални информации можете да најдете тука.
Времето денес
Зимата е тука и засега нема намера да не напушти. Па така утрово времето е блачно и многу студено со северен ветер а слаб снег паѓа само во Прилеп.
Меѓу 20 и 30 сантиметри снег има во Куманово, Битола, Крушево, Крива Паланка, Ѓуриште, Берово, Дебар, Тетово и Тополчани, 51 во Лазарополе, 60 во Пожаране и 84 сантиметри во Маврово.
Денес ќе биде исто така многу студено со малку снег одвреме навреме но и со ветер во Поварадарието. Максималната температура ќе се движи од -13 до -6 степени.
Исто време и во Скопје со температура која нема да надмине минус 9 степени.