Пациент со пулмонална хипертензија почина пред да ја дочека неопходната терапија која му била ветена за понеделник. 70 годишниот скопјанец бил остваен без лекови откако пред една година му била регистрирана болеста. Како што објаснуваат во Здружението „Момент плус“, не била тука лекарката која требала да потпише за во аптека да му го дадат лекот кој му бил одобрен откако интервенирале кај министерот Филипче.
На овој човек не му следувала терапија бидејќи неговата болест била секундарна, односно имал и други дијагнози освен оваа. Такво било објаснувањето од единствениот лекар кој ги третира овие пациенти на Клиниката за кардиологија.
„Ние пред два дена отидовме кај министерот Филипче да замолиме да му се даде лекот и од него добивме позитивен одговор. Но, во аптеката каде што требаше да се подигне лекот ни рекоа дека треба да ја чекаат лекарката која единствено ја третира оваа болест, која е на пат, за да потпише. Човекот не го дочека лекот, почина.“, изјави за НОВА Ирена Коцев, член на Здружението“ Момент плус“.
Пациентот кој не го дочекал лекот, досега само со свои средства си го купувал лекот кој чини околу 500 евра месечно.
Според податоците од Здружението „Момент плус“, во државата има десеттина пациенти со ова ретко заболување, а нивниот број е констанен бидејќи како што се појавуваат нови случаи, така од веќе дијагностицираните по 2-3- ца умираат.
Само половината од овие пациенти ја примаат неопходната комбинирана терапија на товар на државата. Дел од нив на кои болеста што им е секунадарна болеста, лекови не им следуваат.
„Процесот на регистарција на пациентите оди бавно, за некој има терапија , за некој нема. Терапија за постоечките има до јануари следната година. Доколку се примаат лековите овие пациенти може да се одржуваат во живот и до 20 години, ако не, акос е оставени без лекови, просекот на живот е 2 години и 8 месеци“, рече Коцев.
Во ова Здружение велат дека пациентите се принудени да шверцуваат лекови, најчесто поевтини од Бугарија, кои не се оргинални и се поевтини. Втората линија на терапија пак е уште понедостапна и најчесто чини 2 500 евра, месечно. Тие 5-6 пациенти кои ја примаат втората линија на терапија покриени с е со поевтин, турски лек кој чини 400 евра.
„Луѓето умираат бидејќи нема лекови. Ова е веќе трет пациент кој почина во последната година. А, толку веруваше и имаше желба за живот. Болеста е многу тешка, ние не можеме да дишеме и лековите за нас значат живот. Ние сме врзани и за апарат за кислод. Јас земав кредит за да го купам овој апарат,“ раскажува Гурѓица Ќаева, претседател на ова Здружение.
Ирена Коцев вели дека ќе бараат изземање на сегашната лекарка од Клиниката за кардиологија и назначување на друг лекар кој ќе биде одговорен за овие пациенти бидејќи не е првпат заради нејзино отсуство да имаа проблем кај пациентите.
Во Министертвото за здравство велат дека дополнително, во понеделник ќе се изјаснат за овој проблем.