Партијата на Фијат Цаноски со писмено соопштение ги отфрли шпекулациите кои се појавија кај некои медиуми дека Цаноски го напушта Црвенковски и се договорил со Али Ахмети за заеднички настап на престојните локални избори.
„Би сакале да се произнесеме и истовремено да демантираме по повод текстовите кои излегоа во неколку медиуми дека ПЕИ преминува во ДУИ и ја напушта коалицијата со СДСМ.
„Точно е дека изминатиов период имавме разговори со неколку политички партии од албанскиот блок каде во општините во кои ПЕИ го има поголемиот број на гласачко тело и во голем дел се директни конкуренти со албанските партии за некаков вид на можна соработка. Но таков договор или соработка досега немаме реализирано со ниту една политичка партија.
-Ние остануваме во коалицијата кадешто во моментов сме и самите фокусирани да се овозможат демократски услови за функционирање на државава после случувањата на 24.12.2012, враќање на демократијата во Македонија, прочистување на избирачкиот список според препораките на ОБСЕ и меѓународната заедница, како и предвремени парламентарни избори заедно со локалните“, се вели во соопштението на ПЕИ.