-Не пропаѓа ниту Америка, ниту Европа, да пропаѓаа немаше вашите деца да го бараат лебот таму. Сега е вистинскиот момент да ја вратиме композицијата Македонија на вистинската пруга, по вистинскиот пат. Да го вратиме животот во Македонија, порача претседателскиот кандидат, Стево Пендаровски, на средбите со граѓаните на Дојран, дојранско и Богданци.
Граѓаните отворено разговараа и ги споделуваа со Пендаровски своите проблеми што им го отежнуваат секојдневнието, соопшттува СДСМ.
-Посетив многу градови во Македонија, секаде се чувствува желбата на граѓаните да живеат подобро, додаде Пендаровски.
Дојранчани љубопитно го прашуваа Пендаровски за неговиот политички ангажман и за неговата визија за Македонија. Граѓаните пратија јасна порака дека не веруваат на, како што рекоа, владејачката пропагандна машинерија.
-Се затворивме како во едно трло, каде што има само еден екран на којшто има една слика, само една вистина.
А вистината во Македонија, ќе ја вратат само вистински луѓе. На Македонија и се потребни нови лица и нов свеж политички концепт, рече Пендаровски.
Нас не ни требаат реклами, сами на свој грб ја чувствуваме тежината од тешкиот живот, зборуваа жителите од село Николиќ.
Пендаровски им потенцираше на граѓаните дека има за цел да биде гласен претседател. Директно да влијае на сите политики коишто треба да го унапредат животот на обичниот граѓанин.
Во Богданци Пендаровски беше пречекан од голем број граѓани, кои побараа нов почеток за Македонија.
-Мобилизирајте се политички, за Македонија да тргне напред, повика Стево Пендаровски, кандидат за претседател на РМ, соопштува СДСМ.
НОВА ги објавува содржините за изборите согласно информациите, фотографиите и видео материјалот кои ги праќаат политичките партии.