“Решение на името – не треба да биде владин, фамилијарен, етнички, личен консензус. Таков консензус не сме имале со години”, изјави претседателскиот кандидат на СДСМ, Стево Пендаровски од Гевгелија.
Граѓаните ги интересираше како да се води политиката со Грција, како да продолжат разговорите, за што Пендаровски изјави:
– Ако не може со консензус да се реши, тогаш да го турнеме на страна проблемот и да имаме соработка, погранична соработка и да развиваме се што може да има врска со економија, со трговија, со профит и со подобар живот на луѓето.
Што се однесува до прашањето за земјоделие, со кое не се задоволни граѓаните, Пендаровски изјави:
-Моето чувство е дека на сметка на индустријата со казина, се запоставени сите други гранки, вклучително и земјоделството. овој град и оваа држава не смее да се потпира само на казина и на коцка. Во ред е, целиот демократски свет има и таква индустрија, ги вработува луѓето и вратат пари. Би сакал да видам да не се напуштаат традиционалните дејности кои го хранат населението, ги држат младите блиску до своите најблиски, затоа што една од компаративните предности што ги имаме во Македонија е земјоделието, изјави Пендаровски.
НОВА ги објавува содржините за изборите согласно информациите, фотографиите и видео материјалот кои ги праќаат политичките партии.