Кандидатот на СДСМ Стево Пендаровски денес бепе во кичевскиот регион каде што порача дека “Македонија е на сите граѓани, а не на малкумина е мојот концепт”.
На денешната прва средба со граѓани на Кичево му беше речено: “дискриминирани сме по повеќе основи, тоа не е праведно говореа граѓани Роми”, кои во голем број се собраа на средбата со Пендаровски, јавува партијата.
“Дискриминацијата мора да престане. Вие не сте граѓани од втор ред, вие сте граѓани на Република Македонија, имате државјанство на оваа земја во којашто сите имаме истите права”, рече претседателскиот канидат Стево Пендаровски.
Во соопштението на СДСМ се вели дека “по повод меѓународниот ден на Ромите денеска во центарот на Кичево имаше прослава.
Сите граѓани на Македонија треба целосно да бидат вклучени во општеството, не да се говори за вашите проблеми само на одбележувањето на овој ден, порача претседателскиот кандидат Пендаровски.
Во вас гледаме заштитиник на граѓанските права, порачаа присутните граѓани на средбата со кандидатот за претседател, Стево Пендаровски, предмалку во Кичево”, соопшти СДСМ.