„Членството во НАТО е тапија за нашата независност, нашите граници, суверенитет и личната безбедност на секој граѓанин, за секој од вас. Тоа е чин, според мое длабоко убедување, еднаков по значење на 8 септември 1991 година. Бидејќи не е доволно само да декларирате дека сте независна држава, треба да имате пријатели кои ќе застанат и ќе речат стварно сте независни и при било каква закана ќе бидат рамо до рамо со вас“ рече претседателот Стево Пендаровски на граѓанскиот митинг во Куманово.
Тој додаде дека само така, кога сте безбедни може да градите посреќен живот и подобра економија за секој граѓанин.
„Ако не си безбеден нема развој, а со помош на нашите пријатели во ЕУ ќе обезбедиме и економски развој. Два пати поголем од оние стапки досега, бидејќи тоа ни е неопходо да го фатиме чекорот и возот кој оди се повеќе и повеќе. Гледате што се случува во светот, дигиталните технологии ги водат држава, секој прогресира. Оние кои се околу нас, нашите први соседи, за кои некогаш бевме Америка, сега имаат далеку повисок стандард од нас, затоа што се членки на ЕУ“ рече Пендаровски.
Претседателот додаде дека стратешките цели – членство во ЕУ и НАТО се трасирани уште од 1991 година, од првата генерација политичари и народот на Македонија.