Петицијата, со која македонското малцинство во Грција бара легално да го користат јазикот на кој зборуваат – и во училиштата и во институциите, како што објавува „Дневник“ веќе е потпишана од над 420 луѓе, и тоа не само од Грција, туку и од секаде во светото каде што живеат Македонци.
– Добредојдени се да се потпишат не само Македонците во дијаспората туку сите оние што н` поддржуваат и не се согласуваат со тортурата врз Македонците и врз нашиот јазик во Грција со години. Ако чекаме некој ова да го направи за нас, никогаш нема да го добиеме тоа што го бараме. А не бараме нешто што е надвор од европските правила и стандарди, напротив, нешто што Грција е обврзана да го направи, а тоа е потпишувањето на Европската повелба за регионални и малцински јазици, објаснува за „Дневник“ претставникот на Обединетата македонска дијаспора во Грција, Евгенија Нацилиду. Додава дека сите заинтересирани ќе може поддршката да ја изразат најдоцна до крајот на декември годинава. Собраните потписи во електронска и во пишана форма ќе се стават на маса истиот момент кога Грција ќе го преземе претседателството со ЕУ.