Под мотото „8000 жени Ромки-0 гинеколог“, синоќа жените во Шуто Оризари масовно се потпишуваа на петицијата со која се бара во оваа населба конечно да проработи гинеколошката амбуланта.
-Жените во Шуто Оризари немаат каде да се лекуваат бидејќи немаат можност да плаќаат кај лекари кои ги наплатуваат прегледите приватно. Се надеваме дека во иднина ќе се најде решение за овој проблем, изјави Метие Асан, активистка која помогна во собирање на потписите.
Преку иницијативата „Мониторинг од заедницата 12 жени Ромки“, пред две-три недели започна иницијатива за собирање на потписи за отварање на гинеколошка амбуланта во Шуто Оризари, а петицијата ќе биде доставена до Министерството за здравство.
-Заради не можноста да одат на гинеколог жените се соочуваат со инфекции и здравствени проблеми, а нема можност да се открие навреме и бременоста, вели Сабина Љатифи, претставничка од студентите Роми на медицина и стоматологија.
Во невладиниот сектор дека веќе има позитивни сигнали, како од општината така и од Министерството за здравство за да се реши проблемот.
-Ние деновиве имавме средба со претставници од општината при што повторно ни е ветено финансиска подршка доколку се најде гинеколог кој ќе саката да работи во поликлиниката во Шуто Оризари, изјави Игор Јадровски правен советник во невладината ХЕРА.
Шуто Оризари е најголема општина државата, со над 22 000 жители. Се проценува дека во населбата живеат повеќе од 13 000 жени во репродуктивен период , од кои најголемиот дел примаат социјална помош, живеат во суспстандардни услови и не се здравствено осигурани. Жените се оставени без гинеколог од 2007 година.