Почина 66 годишната пациентка од Дебар која подолго време беше приклучена на респиратор. И покрај сите напори на лекарите, заболената од коронавирусот почина пред неколку часа. Во нејзината историја е забележано дека прима хронична терапија за хипертензија. Тоа е трет смртен случај од Ковид 19 во државата за само три дена
Пет заболени со коронавирус од првите 30 тестирани од вработените на Кожна клиника. Тоа е првата група од шест колку што се планирани да се направат, сукцесивно заради големиот број на лица(околу 200) кои што биле во непосреден контакт со поранешната директорка на клиниката. Кај нив тестирањето започна два дена подоцна, а откако истече периодот на изолација од 14 дена. Министерот Венко Филипче посочи дека досега 15 здравствените работници во земјава се позитивни на коронавирус.
И во Куманово има тројца нови заболени, сите биле во контакт со почината пациентка од коронавирус, информира министерот за здравство Венко Филипче.
„На сите петтимина вработени од Клиниката за кожни болести се чувствуваат добро , без симптоми. Спроевди се мерки за понатамошна изолација. Нема нови заразени здравени работници во Куманово а новите троца заболените биле во контакт со почината пациентка. Се анализира епидемиолошки семејството и сите други контакти и таму можно е да има и дополнителни мерки . Ширењето на вирусот се анализира и според сознанијата досега, таму и на други места се шири капковно или преку допир со раце“, рече министерот Филипче.
Од денеска на новата терапија се ставени двајца пациенти на Инфективната клиника. Министерот Филипче нагласи дека оваа терапија не се дава на секого, туку со однапред строг критерум таму каде што има можност за индикација.
„Ставени се двајца пацинти на оваа терапија, но нагласувам дека не се дава во случи кога има кардиолошки промени. Затоа лекот ќе се дава исклучиво во болнички услови, кај оние пацинети кај кои лекарите ќе проценат дека може да се аплицира. За таа цел пацинти кои се во домашни услови ќе се транспортираат до клиниката за таму да ја примаат терапијата, “, рече Филипче.
Тој уште еднаш апелираше до граѓаните да не ја земаат на своја рака комбинацијата од овие два вида лекови, анибиотокот и лекот против маларија бидејќи може да даде контраиндикации и проблеми со срцето.
Нови 29 случаи на коронавирус се регистрирани во изминатите 24 часа во земјата, со што вкупната бројка на дијагностицирани пациенти со КОВИД-19 денеска до 12.00 часот изнесува 177 лица. Еден е излекуван и двајца се починати пациенти.
Новите дијагностицирани се во следните градови: Скопје (20), Куманово (3), Велес (3), Прилеп (2) и Дебар (1). Филипче рече дека кај четворица пациенти на Инфективна клиника се направени контролни тестови, сите се негативни, а тројца од нив се значително во подобра состојба. Откако ќе се повторат тестовите уште еднаш тие може да бидат пуштени дома.
„Денеска ќе имаме и дефинитивна бројка на сите лаборатории, согласно посетата и стручните состаноци на раководителката на лабораторијата во Институтот за јавно здравје на приватните установи и доколку ги исполнуваат условите да се вклучат во мрежата за да се зголеми капацитетот на тестовите. Денеска имаше и состанок за тоа како оперативно ќе се спроведе мобилното тестирање, пред се во местата градовите каде што сметаме дека најмногу треба да се олесни пристапот на пациентите за да се пристапи и до потенцијални ризични групи. “, рече министерот Филипче.
Засега добро фукционираат пунктовите каде што се закажуваат тестовите, рече Филипче и нагласи дека мерките кои с е применуваат даваат резултати односно се покажале за сигурни и во другите земји. Тоа се изолацијата и тестирање после 14 дена доколку претходно нема симптоми.
„Кога ќе помине периодот на изолација е најдобро да се направи тестирање. Тестовите кои ги имаме не се 100 посто сигурни, значи и таа сигурност од 99 проценти може да остави можност за сомнеж. Овие тестови сепак се најсигурни, заедно со епдемиолошката анкета, изолацијата и строгите мерки, и така даваат резултати“, рече Филипче.
Министерот апелираше до верските заедници особено од црковните служби кои ги повикуваат граѓаните да одат да ги посетуваат храмовите, па дури и шетаат со возила низ градовите, да се воздржат од тоа бидејќи масовни собирања се строго забранети.
Владата денеска одлучи во текот на викендоот полицискиот час да важи за сите граѓани почнувајќи од 16 до 5 часот наутро.